Брокерски услуги
Брокерската куќа АУКТОР Брокери АД Скопје, покрај управување со портфолија на хартии од вредност за правни и физички лица кои имаат регулирано ваква услуга со брокерската куќа, врши и брокерски услуги за сите клиенти кои сакаат да инвестираат по сопствен избор.
На секое правно и физичко лице кое смета дека има доволно софистицирано знаење од областа на вложување во хартии од вредност, брокерската куќа АУКТОР Брокери АД Скопје му стои на располагање со екипа на искусни брокери и аналитичка служба кои можат да му осигураат беспрекорно извршување на неговите налози и соодветен преглед на пазарот на капитал кој ќе му помогне во носењето на инвестиционите одлуки.
Како овластено брокерско друштво на нашите клиенти им обезбедуваме целокупна услуга во тргувањето со хартии од вредност на Македонската Берза, од отворање на договор за застапување, преку отворање на сметки во Централниот Депозитар за хартии од вредност (ЦДХВ), па се до непосредно извршување на купопродажните трансакции.
Би сакале да подвлечеме дека во согласност со Законот за хартии од вредност, средствата на клиентот не се во сопственост на брокерската куќа, ниту пак можат да се користат за покривање на нејзините долгови. Средствата на налогодавачот се наоѓаат на посебна клиентска сметка, која може да се користи исклучиво во согласност со налозите на клиентот.
За регистрација на клиент за користење на брокерските услуги на брокерската куќа АУКТОР Брокери АД Скопје, потребни се:
1) Кај физичките лица:
• Лична карта или пасош, и
• Копија од трансакциона сметка.
2) Кај правните лица:
• Оригинал или копија заверана на нотар од тековна состојба на правното лице издадена
од Централниот регистар, не постара од 6 месеци,
• Оригинал или копија заверена на нотар од ЗП образец,
• Лична карта од управителот на правното лице, и
• Жиро сметка.
Документи за посредување при тргување со хартии од вредност
|
|
|
|
Договор_за_посредување_при_тргување_со_хартии_од_вредност.pdf |
|
|
|
|
|
|
|
|