„Тиквеш“со нето добивка од 24,7 милиони денари

 

Винарската визба во првите шест месеци од годината остварила нето добивка поголема за 135 отсто, споредено со истиот период лани.

И покрај големата криза во која се најде винарскиот бизнис кој сериозно е погоден од светската криза, една од најголемите винарски визби во земјава оствари позитивни резултати во своето работење од првото полугодие од годинава. Според неревидираниот финансиски извештај „Тиквеш“ во првите шест месеци од годинава оствари нето добивка од 24,7 милиони денари, што преставува зголемување од 135 отсто споредено со истиот период минатата година.

И покрај позитивното работење компанијата бележи пад на приходите од продажба, кои во првите шест месеци од годинава изнесуваат 491,6 милиони денари.

Винарската визба „Тиквеш„ е распространета на површина од 100 илјади метри квадратни, има 350 вработени и претставува најголема винарска визба во Македонија. Годишно во винаријата се преработува околу 30 илјади тони грозје, а производите на винаријата се продаваат во Македонија и во повеќе од 15 странски земји.