Стечајните процедури зголемени за 120 отсто

 

Во првите шест месеци бројот на фирми кои отишле во стечај зголемен за дури 120 отсто.

Македонските компании, посебно малите и средните фирми кои сочинуваат над 90 отсто од македонското стопанство стануваат се понеимуни на последиците од глобалната криза.

Според податоци на Министерството за економија и Централниот регистар до средината на годинава во земјата се водат 746 стечајни постапки, наспроти 336 колку што имало лани заклучно со јуни, што е зголемување за 120 отсто, споредено со 2009 г.

Зголемен е и бројот на ликвидациони постапки. Лани имало 1.278 предмети, а сега таа бројка е 1.794.

Во исто време бројот на активни фирми е пораснат за само 5 отсто споредено со 2007 год.